أنغشيت ولا لا _ كيف اعرف المكينه 2000 ولا 2400 سوناتا_اوبتما

السلام عليكم ورحمة الله وبركاته

أنا شريت قبل فتره اوبتما على اساس انها 2400 سي سي

وذكرت في اعلان الرجال انها 2400 والناس كانت تقول الفرق بين 2000 و 2400

إن 2000 سي سي شكمان واحد .. و 2400 سي سي شكمانين

فيوم شفت سياره الرجال انها شكمانين خلاص قلت انها 2400

لكن الآن تفاجأت ان واحد يقولي موترك 2000 سي سي

لان سيارتي (طيس مقاس 16 + بدون كشافات) و ال2400 اقل فئه تجي (جنوط 16 + كشافات)

ومواصفات سيارتي تنطبق على الاستاندر مكينه 2000 سي سي

لانها تجي طيس وبدون كشافات !!

مع العلم سيارتي فيها مثبت سرعه وفيها تحكم كامل من الدركسون وقير F1 تبديل رياضي خلف المقود والدركسون والقير جلد

وال2000 سي سي ما يجي فيها مثبت ولا تحكم والدركسون يجي خشن

فما ادري هي 2000 ولا 2400

ﻻاني ماعمري شفت سياره مثل سيارتي

وصدقوني لو كنت اقدر اروح للوكاله واستفسر برقم الشاص كان رحت .. لكني مشغوول جدا ولا ادري متى يفتحون ومدري فيه شيء قريب مني بمخرج 12 او 14 بالرياض !!

ابغا تفيدوني يا الغوالي الآن

لاني ما راح افضى الا الخميس وهالموضوع شاغلني وابغا الاجابه الحين

وان ما حصلتها باروح للوكاله الخميس ان شاء الله

صورت لكم المكينه والشكامين

يمكن احد يعرف كيف يفرق بين مكينه 2000 و 2400

عن طريق معرفة وين محل عيار الزيت مثل اللنترا لانها تجي 1.6 .. 1.8 .. 2.0